ఎదులాపురం, జూన్ 8 : మృగశిర కార్తెను పురస్కరించుకుని ఉబ్బసం వ్యాధి నియంత్రణతోపాటు రోగ నిరోధక శక్తిని పెంచడానికి అందించే ఆయుర్వేదిక్ మందు పంపిణీ కార్యక్రమం పెద్ద ఎత్తున సాగింది. ఆదిలాబాద్ జిల్లా కేంద్రంలోని సీసీఐ క్రాస్రోడ్డు సమీపంలో గల వైద్య ఆయుర్వేదిక్ రిసెర్చ్ సెంటర్లో పంపిణీని నిర్వహించగా ప్రజలు భారీ సంఖ్యలో తరలివచ్చారు. యువరాజ్ వైద్య దంపతులు, కుటుంబీకులు పూజలు చేసిన అనంతరం ప్రజలకు గూళికలను పంపిణీ చేశారు. పెద్దలకు ఆయుర్వేదిక మూలికలతో తయారు చేసిన గూళికలను వేయగా.. చిన్నారులకు చుక్కల మందు వేశారు.