పెంబి, ఏప్రిల్ 6: పెంబి గ్రామ శివారులోని అడవుల్లో రాత్రి మంటలు చెలరేగాయి. కిలోమీటర్ల మేర మంటలు వ్యాపించడంతో అడవిలోని వృక్ష సంపదకు నష్టం వాటిల్లింది. చిన్నచిన్న మొక్కలు, నేలకొరిగిన చెట్లు మంటల్లో కాలి బూడిదయ్యాయి. వన్య ప్రాణులకు ఆటంకం కలిగింది. చిన్నచిన్న వన్య ప్రాణులు మంటల్లో కాలిపోయాయి.
మంటల విషయం అటవీశాఖ అధికారులకు సమాచారం అందించినా , వారు స్పందిచంలేదని స్థానికులు మండిపడుతున్నారు. ఎండకాలం అడవుల్లో మంటలు వ్యాపించకుండా ఫైర్లైన్తో పాటు ఇతర ముందస్తు చర్యలు తీసుకోవాల్సి ఉంటుంది. కానీ అధికారులు అలాంటి చర్యలేవి తీసుకోలేదని స్థానిక ప్రజలు వాపోతున్నారు. మండలంలో ప్రతిరోజు ఏదో చోట మంటలు అంటుకుంటున్నాయని. అడవి, వన్య ప్రాణుల సంరక్షణకు అధికారులు తగు చర్యలు తీసుకోవాలని వారు కోరుతున్నారు.