భైంసాటౌన్, నవంబర్ 26 : మహిళా సంఘాల సభ్యులు సంఘాల బలోపేతానికి కృషి చేస్తూ ఆర్థికంగా ఎదగాలని డీఆర్డీవో విజయలక్ష్మి సూచించారు. భైంసాలోని చైతన్య మండల సమాఖ్య కార్యాలయంలో శనివారం నియోజకవర్గ మహిళా సంఘాల సభ్యులతో సమావేశం ఏర్పాటు చేసి మాట్లాడారు. ఫుడ్ ప్రాసెసింగ్, పప్పులు, ఆయిల్ ప్రాసెసింగ్ చేసి విక్రయించాలన్నారు. అదనపు డీఆర్డీవో గోవింద్ రావు, డీపీఎం రాజేశ్వర్, మహిళా సంఘాల సభ్యులు, తదితరులు పాల్గొన్నారు.
స్త్రీనిధి రుణాల లక్ష్యాలను చేరుకోవాలి
నిర్మల్ టౌన్, నవంబర్ 26 : స్త్రీనిధి రుణాల్లో నిర్దేశించిన లక్ష్యాలను చేరుకోవాలని డీఆర్డీవో విజయలక్ష్మి పేర్కొన్నారు. శనివారం డీఆర్డీవో కార్యాలయంలో స్త్రీనిధి ద్వారా జిల్లాలో మహిళా సంఘా సభ్యులకు అందిస్తున్న రుణాలపై సమావేశం నిర్వహించారు. ఇప్పటి వరకు నిర్దేశించిన లక్ష్యంలో 60శాతం రుణాలను అందించినందుకు సిబ్బందిని అభినందించారు. మిగతా లక్ష్యాన్ని మార్చి 31లోపు పూర్తి చేయాలని కోరారు. మహిళా సంఘాల సభ్యులు ఆర్థిక పురోభివృద్ధి సాధించేలా చూడాలన్నారు. ఏపీడీ గోవింద్రావు, స్త్రీనిధి సభ్యులు పాల్గొన్నారు.