బాసర, జూన్ 16 : బాసర సరస్వతీ అమ్మవారి సన్నిధిలో ఆదివారం భక్తుల సందడి కనిపించింది. అమ్మవారి దర్శనానికి రెండు తెలుగు రాష్ర్టాల నుంచే కాకుండా మహారాష్ట్ర నుంచి భక్తులు తరలివచ్చారు. ముందు గా గోదావరిలో పుణ్యస్నానాలు ఆచరించారు.
అనంతరం అమ్మవారి దర్శనానికి బారులుదీరారు. పాఠశాలలకు పునఃప్రారంభం అయిన దృష్ట్యా విద్యార్థులు అత్యధికంగా తరలివచ్చారు. అదే విధంగా భక్తులు తమ చిన్నారులకు అక్షరశ్రీకార పూజలు చేయించారు. దీంతో అక్షరశ్రీకార మండపాలు భక్తులతో కిక్కిరిసిపోయాయి. ఆలయ పరిసరాల్లో భక్తుల కోలాహలం కనిపించింది.