కోటపల్లి, మే 1 : ‘మా గ్రామానికి రోడ్డు వేయనిదే ఓట్లు వేయం’ అని పార్లమెంట్ ఎన్నికలను బహిష్కరించిన కోటపల్లి మండలం రాజారం గ్రామస్తులు బుధవారం గ్రామానికి వచ్చిన కాంగ్రెస్ పార్టీ ప్రచార రథాన్ని అడ్డుకున్నారు. గ్రామ సమస్యల పరిష్కారానికే తాము ఎన్నికలను బహిష్కరించామని, ఈ విషయం తెలిసినా ఎమ్మెల్యే గడ్డం వివేక్ తమను పట్టించుకోవడం లేదని ఆవేదన వ్యక్తం చేశారు. సమస్యలు పరిష్కారమయ్యే వరకు ప్రజాప్రతినిధులు, రాజకీయ పార్టీల నాయకులు ఓట్ల పేరుతో తమ గ్రామానికి వస్తే తీవ్ర పరిణామాలను ఎదుర్కోవాల్సి వస్తుందని గ్రామస్తులు హెచ్చరించారు.