మంచిర్యాల అర్బన్, జూలై 13 : జెట్ వికాస తరంగిణి గ్రీన్ సిటీ మంచిర్యాల శాఖ ఆధ్వర్యంలో శనివారం పట్టణంలో మహిళా ఆరోగ్య వికాస్ క్యాన్సర్ వ్యాధిపై అవగాహన కార్యక్రమాన్ని నిర్వహించారు. జెట్ హెల్పింగ్ హ్యాండ్స్ ఆస్ట్రేలియా మెల్బోర్న్ సొసైటీ సహకారంతో ఐబీ, బెల్లంపల్లి చౌరస్తా, పోలీస్ స్టేషన్, మార్కెట్ రోడ్డు గుండా మహిళలందరూ స్కూటీలపై ర్యాలీ తీశారు.
ఈ సందర్భంగా నిర్వాహకులు మాట్లాడుతూ క్యాన్సర్పై ప్రతి ఒక్కరూ అవగాహన పెంచుకోవాలని సూచించారు. ఈ కార్యక్రమంలో నిర్వాహకులు మంజూభాషిని, హనుమంతరావు, నరసింహారావు, కృష్ణారావు, మాధవీ రవీంద్ర, ఉషాక్రాంతి, రాజేశ్వర్రావు, బాలకృష్ణ రావు, లక్ష్మణరావు, మహిళలు పాల్గొన్నారు.