ఆసిఫాబాద్ అంబేదర్చౌక్, జూలై 11 : అభ్యర్థుల ఇబ్బందుల దృష్ట్యా డీఎస్పీ పరీక్షను ఏడాది పాటు వాయిదా వేయాలని ఆసిఫాబాద్ ఎమ్మెల్యే కోవ లక్ష్మి అన్నా రు. ఈ మేరకు గురువారం ఆదిలాబాద్ జిల్లా ఉట్నూర్ మండల కేంద్రంలో నిర్వహించిన ఉమ్మడి ఆదిలాబాద్ జిల్లా స్థాయి సమావేశానికి హాజరైన ఉప ముఖ్యమంత్రి మల్లు భట్టి విక్రమార్కకు ఎమ్మెల్యే వినతి పత్రం అందజేశారు.
ఈ సందర్భంగా ఆమె మాట్లాడుతూ డీఎస్సీ పరీక్షకు సిలబస్ చదివేందుకు సమయం సరిపోక చాలా మంది అభ్యర్థులు ఇబ్బంది పడుతున్నారని తెలిపారు. రాష్ట్ర ప్రభుత్వం విద్యార్థుల భవిష్యత్తో చెలగాటం ఆడకుండా డీఎస్సీని వాయిదా వేయాలని కోరారు. ఈ మేరకు ఉప ముఖ్య మంత్రి సానుకూలంగా స్పందించినట్లు ఎమ్మెల్యే తెలిపారు.