ఎదులాపురం, జూలై 10 : కేంద్రంలోని బీజేపీ సర్కారు తీసుకొచ్చిన కార్మిక చట్టాలను రద్దు చేయాలని బుధవారం ఆదిలాబాద్ కలెక్టరేట్ ఎదుట కార్మికులు ఆందోళన నిర్వహించారు. సీఐటీయూ ఆధ్వర్యంలో అంగన్వాడీ, ఆశా, మధ్యాహ్న భోజన నిర్వాహకులు, గ్రామ పంచాయతీ, మున్సిపల్ కార్మికులు ధర్నా చేశారు.
ఈ సందర్భంగా సీఐటీయూ జిల్లా అధ్యక్షుడు బొజ్జ ఆశన్న మాట్లాడుతూ.. బీజేపీ విధానాలను నిరసిస్తూ కార్మికుల హక్కులను కాపాడుకునేందుకు దేశవ్యాప్తంగా పోరాటాలను ఉధృతం చేస్తున్నామన్నారు. రాష్ట్ర కాంగ్రెస్ ప్రభుత్వం కూడా బీజేపీ బాటలోనే పయనిస్తుందన్నారు. ఈ కార్యక్రమంలో రైతు సంఘం జిల్లా కార్యదర్శి బండి దత్తాత్రి, అంగన్వాడీ యూనియన్ రాష్ట్ర అధ్యక్షురాలు సునీత, జిల్లా ఉపాధ్యక్షుడు అగ్గిమల్ల స్వామి, లింగాల చిన్నన్న, జిల్లా సహాయ కార్యదర్శి ఎస్.నవీన్కుమార్, సభ్యులు సునీత, సుభద్ర, కళావతి, పంచశీల, లక్ష్మి, శోభ జాత పాల్గొన్నారు.