కోటపల్లి, జూన్ 24 : మండలంలోని పంగిడి సోమారంలో 83 కిలోల నకిలీ పత్తి విత్తనాలను పట్టుకొని ఇద్దరిపై కేసు నమోదు చేసినట్లు ఎస్ఐ రాజేందర్ తెలి పారు. పంగిడి సోమారంలో కోల కుమార్ నకిలీ పత్తి విత్తనాలు విక్రయిస్తున్నారన్న సమాచారం మేరకు ఆదివారం సాయంత్రం తనిఖీలు నిర్వహించగా, 83 కిలోల లూస్ పత్తి విత్తనాలు దొరికాయని ఎస్ఐ తెలిపారు.
ఎల్లక్కపేటలోని ఆది శంకరాచార్య కాటన్ జిన్నింగ్ మిల్లు నుంచి దొరప్పనేని శ్రీనివాస్ రావు సరఫరా చేసినట్లు తమ విచారణలో తేలిందన్నారు. నకిలీ విత్తనాల విక్రయాలకు పాల్పడుతున్న కుమార్తో పాటు శ్రీనివాస్రావుపై కేసు నమోదు చేశామన్నారు. నకిలీ విత్తనాలు విక్రయిస్తే సమాచారం అందించాలని ఎస్ఐ రాజేందర్, కోటపల్లి మండల వ్యవసాయ శాఖ అధికారి మహేందర్ కోరారు.