బ్యాంక్‌ మోసం కేసులో రూ. 56 కోట్ల ఆస్తుల జప్తు

Sat,November 9, 2019 11:43 PM

- ఎస్‌ఐఎస్‌ గ్రూప్‌పై ఈడీ దర్యాప్తు


న్యూఢిల్లీ, నవంబర్‌ 9: ఓ బ్యాంక్‌ మోసం కేసులో అహ్మదాబాద్‌ ఆధారిత సంస్థకు చెందిన ఆస్తులను ఎన్‌ఫోర్స్‌మెంట్‌ డైరెక్టరేట్‌ (ఈడీ) జప్తు చేసింది. మనీ లాండరింగ్‌ నిరోధక చట్టం (పీఎంఎల్‌ఏ) కింద నమోదైన ఈ కేసు విచారణలో భాగంగా సాయి ఇన్ఫోసిస్టమ్స్‌ ఇండియా (ఎస్‌ఐఎస్‌) లిమిటెడ్‌కు చెందిన రూ.56.21 కోట్ల విలువైన 37 స్థిరాస్తులను ఈడీ అధికారులు స్వాధీనం చేసుకున్నారు. ఈ ఆస్తుల్లో ప్లాట్లు, ఓ ఫామ్‌ హౌజ్‌ కూడా ఉన్నట్లు శనివారం అధికారులు తెలిపారు. గుజరాత్‌లోని వివిధ వాణిజ్య, నివాస సముదాయాలూ ఉన్నాయి. ఇవన్నీ కూడా ఎస్‌ఐఎస్‌, దాని అనుబంధ సంస్థలైన అట్రియం ఇన్ఫోకామ్‌ ప్రైవేట్‌ లిమిటెడ్‌, సుజ్యోత్‌ ఇన్‌ఫ్రాస్ట్రక్చర్‌ ప్రైవేట్‌ లిమిటెడ్‌, తదితర సంస్థలవేనని ఓ ప్రకటనలో ఈడీ స్పష్టం చేసింది.

ప్రభుత్వ రంగ బ్యాంకింగ్‌ దిగ్గజం ఎస్బీఐ నేతృత్వంలోని బ్యాంకుల కన్సార్టియం నుంచి తప్పుడు ధ్రువపత్రాలతో ఎస్‌ఐఎస్‌, దాని సీఎండీ సురేంద్ర కుమార్‌ కక్కడ్‌ రుణాలను పొందారని వివరించింది. అలాగే నిధులను దారి మళ్లించారన్న ఆరోపణలూ ఉన్నాయని పేర్కొన్నది. ఈ కేసులో కక్కడ్‌తోపాటు మరో డైరెక్టర్‌ రాజీవ్‌ గుప్తాను ఈడీ ఇప్పటికే అరెస్టు చేసింది.

239
Follow us on : Facebook | Twitter

More News

VIRAL NEWS

Featured Articles

Health Articles